رمضان مش زي زمان

كلمه أنتشرت السنوات الأخيره 

"أنا محستش برمضان "

"أنا محستش بالعيد "

رمضان معتش زي زمان 

في العيد بتاع زمان ؟

إليك نقطه مهمه سيدي القارئ

مخطئ أنت كل الخطأ عندما تظن أن العيب من هذا الزمن 

فالعيب كل العيب يقع علينا نحن 

فنحن الأجيال التي تجرعت جرعه زائده من الكآبه و اليأس و الإحباط 

و أفتقدت الأمل و التفاؤل و المحاولات العديده للأستمتاع بالحياه فى ظل الرضا 

عملت أيه أنت عشان تستمتع برمضان أصلاً ؟؟

زمان مكنش فى نت و لا كميه القنوات البشعه بتاعه دلوقتي الي بنضيع وقتنا كله ادامها فى حاله من شبه الاندماج الذي يشبه الغيبوبه 

فمن الطبيعي جداُ أن لا تشعر بالوقت حينها ! 

زمان كان عشان فى وقت فاضي كانت الناس عمرها متضيع صلاه التراويح و لا التهجد 

كانت الناس تهتم انها تعمل القطايف و الكنافه بنفسها متجيبش جاهز 

كانت الناس مبتقولش لبعض كل سنه و  انت طيب ببوست على النت يخلص فيه نفسه و يعمل تاج لكل الي يعرفهم و يبقى عمل الي عليه و خلاص 

لا كان الواحد يمسك اجندته و يتصل بكل الارقام الى فيها يقولهم كل سنه و انتم طيبين و بيبدي اهتمامه بكل واحد كونه اتصل بيه مخصوص ده حتى فى ناس بتكسل تعمل بوست لكل فرند لوحده :) 

زمان العيد مكنش بيتقضى ادام النت  بلعكس كما بننظل نشتري بالونات و نجيب طراطير و لعب و نلعب و نتجمع فى بيت العيله 

نعد مع بعض مش كل واحد قاعد مع الموبايل بتاعه و فيس بوكه و واتس ابه و عايش مع نفسه 

زمان كنا اقرب من بعض أكتر عشان كده كنا بنحس بكل لحظه و بنستطعمها 

دلوقتي احنا الي عملنا فى نفسنا كده و بنلبسها للأيام انها معنتش زي زمان 

عاوز تحس بالحاجات الحلوه بتاعه زمان يبقى عيش جو زمان 

متخليش النت و التلفزيون ياكلو وقتك و يحرموك من اللمه 

اشتري بالونه فى العيد محدش بيكبر على الحاجه الحلوه الي تفرح 

روح زور اهلك و دخل موبايل فى جيبك و انسي ساعتها انك معاك موبايل اصلاً 

أعرف أن كل لحظه بتعدي طريقه تصرفك فيها هو الي هيتبنى عليه حالتك النفسيه بانك تحس بقيمه يومك أو لأ 

معنتش ترمي حاجه على الزمن لأن اللوم الأكبر عليك فى الأول و الأخر أنت الي عملت فى نفسك كده 

عيش كل دقيقه صح متضيعش وقتك أدام حاجه تاخدك من حياتك و اهلك و ناسك و الدفى وسطهم

و بعد مقريت المقال ده ليك حريه الأختيار عاوز تحس بالايام زي زمان او لأ دي حاجه ترجعلك 

ياسمين جمال

10\8\2013